Хүүхдийн хөдөлгөөний эвслийг хөгжүүлэх Monball-360 хөтөлбөрийн үр нөлөө(ЕБС-ийн II ангийн биеийн тамирын хичээлийн жишээн дээр)
:
https://doi.org/10.65168/:
хөдөлгөөний эвслийн бүрдэл, бөмбөгтэй дасгал, тоглоом, хөдөлгөөний эвсэлХураангуй
Энэхүү судалгаагаар бөмбөгтэй дасгал тоглоомд суурилсан Monball-360 хөтөлбөрийн бага ангийн сурагчдын хөдөлгөөний эвслийн хөгжилд үзүүлэх нөлөөг туршилтын аргаар үнэлэв. Судалгаанд туршилтын болон хяналтын бүлэг бүхий pre–post загвар ашиглаж, хөдөлгөөний эвслийн түвшинг ECOMOT-9 сорилын багцаар үнэлсэн. Интервенцийн хугацаа 12 долоо хоног үргэлжилсэн бөгөөд энэ хугацаанд туршилтын бүлэг Monball-360 хөтөлбөрийн дагуу системтэй, үе шаттай бөмбөгтэй дасгал тоглоомын үйл ажиллагаанд оролцсон бол хяналтын бүлэг уламжлалт биеийн тамирын хичээлд хамрагдсан.
Судалгааны үр дүнгээс туршилтын бүлгийн нийт ECOMOT-9 туршилтын өмнөх ба дараах үнэлгээний хооронд статистикийн ач холбогдол бүхий ахиц илэрсэн (p<0.01). Энэ нь Monball-360 хөтөлбөрийн хүрээнд хэрэгжүүлсэн бөмбөгтэй дасгал тоглоом нь сурагчдын гар-нүдний зохицол, хөдөлгөөний дараалал, тэнцвэр, орон зайн баримжаа зэрэг хөдөлгөөний эвслийн есөн бүрдэл чадваруудыг сайжруулахад эерэг нөлөө үзүүлснийг харуулж байна.
Мөн бүлгүүдийн gain score-ийн харьцуулалтаар туршилтын бүлэг хяналтын бүлгээс мэдэгдэхүйц илүү ахиц үзүүлсэн бөгөөд энэхүү ялгаа статистикийн өндөр ач холбогдолтой байв. Нөлөөллийн хэмжээ (Cohen’s d≈1.44) нь их хэмжээний ангилалд хамаарч байгаа нь хөтөлбөрийн үр нөлөө зөвхөн статистикийн хувьд төдийгүй практик ач холбогдлын хувьд ч хүчтэй байгааг илтгэнэ. Өөрөөр хэлбэл, Monball-360 хөтөлбөр нь бага ангийн сурагчдын хөдөлгөөний эвслийг бодитойгоор сайжруулах боломжтой, сургалтын орчинд хэрэгжүүлэх үр дүнтэй арга зүй болохыг судалгааны дүн баталж байна.
Ном зүй
Gallahue, D. L., & Ozmun, J. C. (2006). Understanding motor development: Infants, children, adolescents, adults (6th ed.). McGraw-Hill.
Gallahue, D. L., Ozmun, J. C., & Goodway, J. D. (2012). Understanding motor development: Infants, children, adolescents, adults (7th ed.). McGraw-Hill.
Robinson, L. E., Stodden, D. F., Barnett, L. M., Lopes, V. P., Logan, S. W., Rodrigues, L. P., & D’Hondt, E. (2015). Motor competence and its effect on positive developmental trajectories of health. Sports Medicine, 45(9), 1273–1284. https://doi.org/10.1007/s40279-015-0351-6
Stodden, D. F., Goodway, J. D., Langendorfer, S. J., Roberton, M. A., Rudisill, M. E., Garcia, C., & Garcia, L. E. (2008). A developmental perspective on the role of motor skill competence in physical activity: An emergent relationship. Quest, 60(2), 290–306.
Barnett, L. M., Lai, S. K., Veldman, S. L. C., Hardy, L. L., Cliff, D. P., Morgan, P. J., ... & Okely, A. D. (2016). Correlates of gross motor competence in children and adolescents: A systematic review and meta-analysis. Sports Medicine, 46(11), 1663–1688.
