“Education at Glance 2024” тайлангаас хураангуйлсан үр дүн
:
https://doi.org/10.65168/:
бодлого, хөгжил, үр ашиг, зарцуулалт, сурагч, дотоодын нийт бүтээгдэхүүнХураангуй
Монгол Улсын хувьд боловсролын санхүүжилтийг гол төлөв төрийн төсвийн зарлагын ДНБ-д эзлэх хувь болон төрийн нийт зардалд эзлэх хувь гэсэн хоёр хэмжүүрээр тооцдог боловч өрхийн зардал, хувийн хэвшлийн хөрөнгө оруулалтыг албан ёсны тооцоонд тусгадаггүй. Жишээ нь, 2023 онд боловсролд зарцуулсан төрийн зардал ДНБ-ий 3.74 хувь байсан бол төсвийн нийт зардлын 9.99 хувь нь боловсролд ногджээ. Энэ нь ЭЗХАБ-ын дундажтай харьцуулахад харьцангуй доогуур үзүүлэлт бөгөөд Монгол Улсын тооцоонд өрхийн болон хувийн хэвшлийн санхүүжилтийн хувь бүрэн тусгагдаагүйтэй холбоотой.Монгол Улсын боловсролын зардлын бодит хэмжээг ЭЗХАБ-ийн орнуудтай шууд харьцуулахад хязгаарлалтай бөгөөд олон улсын жишигтэй нийцүүлэхийн тулд санхүүжилтийн эх үүсвэрийн өргөн хүрээг хамарсан тооцооллын аргачлалыг нэвтрүүлэх шаардлагатай байна.
2021 оны байдлаар ЭЗХАБ-ийн дунджаар багаас дээд боловсролын байгууллагад нийт ДНБ-ий 4.9 хувийг зарцуулжээ. Санхүүжилтийн хуваарилалт боловсролын түвшин бүрд ялгаатай бөгөөд бага боловсролд 1.4 хувь, суурь болон бүрэн дунд боловсролд тус бүр 1.0 хувь, дээд боловсролд 1.5 хувийг зарцуулсан. Төрийн ба хувийн эх үүсвэрийн хуваарилалтаар авч үзвэл, төрөөс ДНБ-ний 4.2 хувийг, харин хувийн эх үүсвэрээс 0.8 хувийг боловсролд зарцуулдаг. Харин нэг сурагчид ногдох жилийн дундаж зардал ойролцоогоор 14,000 ам.доллар байсан.
Ном зүй
OECD. (2024). Education at a Glance 2024: OECD Indicators. Paris: OECD Publishing
Barbiero, O., & Cournède, B. (2013). New econometric estimates of long-term growth effects of different
areas of public spending. OECD Economics Department Working Papers, No. 1100. Paris: OECD
Publishing.
Lastra-Anadón, C. X., & Mukherjee, B. (2019). The politics of educational investment: International
evidence from 1995 to 2010. Comparative Political Studies, 52(1), 117–152.
