Эцэг эхийн зүгээс хүүхдийн хөгжлийг үнэлэх нь

Хураангуй

Аливаа хөгжлийн бэрхшээлтэй бага насны хүүхдэд олон талт үйлчилгээг үзүүлэх шаардлагатай байдаг ба эдгээр цогц үйлчилгээг эрт үеийн дэмжлэг хэмээдэг. Зарим хөгжлийн бэрхшээл нь тусгайлан боловсруулсан үйлчилгээ шаарддаг ба ихэнхдээ урьдчилан сэргийлэх, эрт илрүүлэх, тусламж үйлчилгээ үзүүлэх нийтлэг аргачлалыг ашигладаг. Хүүхдийн хөгжлийн үнэлгээ нарийвчлал өндөртэй, найдвартай байхын хамтаар олон талтай байх шаардлага гарч байна. IQ эсвэл, насны хөгжлийн индекс зэрэг цорын ганц үзүүлэлтэд тулгуурлах нь практикийн хэрэгцээ шаардлага хангахгүй. Иймээс бид олон улсад ашиглагдаг “Нас, хөгжлийн үе шат (Jane Squires, 2018)” (ASQ -Ages & Stages Questionnaires’ A parent-Completed Child Monitoring System) судалгааны хэрэгсэл ашиглан, үеийн хүүхдүүдээс хөгжлөөрөө хоцорч буй эцэг эх, асран хамгаалагчдын хамт хүүхдээс авсан үр дүнг танилцуулж байна. ASQ нь бага насны хүүхдийн амьдралын эхний таван жилийн хөгжлийн хоцрогдолтой эсэхийг шалгах хамгийн хэмнэлттэй, найдвартай хэрэгсэл юм. Судалгаанд хот болон орон нутгийн нийт 10 хүүхэд хамрагдсан. ASQ хэрэгжүүлэх давуу тал нь хүүхдийн хөгжлийг тогтмол шалгах, хүүхдийн хөгжлийн давуу талыг тодорхойлох, хөгжлийн болон нийгэм-сэтгэл санааны асуудалтай хүүхдүүдийг тодорхойлоход тусалдаг. ASQ аргачлалын тусламжтайгаар эцэг эхчүүд хүүхдийн хөгжлийн насанд тохирсон үе шатуудын талаарх өөрийн мэдлэгээ өргөжүүлэн, хүүхдийнхээ ахиц дэвшлийг идэвхтэй дэмжиж, хялбархнаар мэдэх боломжтой юм.