МОНГОЛЫН 3-17 НАСНЫ ХҮҮХДИЙН БИЕ БЯЛДРЫНХӨГЖЛИЙН I БА II СУДАЛГААНЫ ХАРЬЦУУЛСАН ҮРДҮНГЭЭС

Abstract

Боловсролын судалгааны үндэсний хүрээлэн нь БШУЯ, ШУТС-тай хамтран 2014-2018 онд “Монголын хүүхэд, залуучуудын хөгжлийн технологийг сургалтын практик нэвтрүүлэх нь” цөм технологийн судалгааны төсөл, 2019-2020 онд “Монголын хүүхдийн цогц хөгжлийн онцлогийн судалгаа” суурь судалгааны төслийг тус тус гүйцэтгэсэн. Тухайн 2 шатны судалгааны зорилго нь монгол хүүхдийн танин мэдэхүй, нийгэмшил, бие бялдрын хөгжлийн онцлогийг тогтоосны үндсэн дээр шалгуур үзүүлэлтийг боловсруулан сайжруулсан. Судалгаанд Улаанбаатар хот, 5 аймгийн 3-21 насны 8000 гаруй хүүхэд, залуучуудыг хамруулсан. Энэхүү илтгэлд бид 2 шатны судалгаанд хамрагдсан 6-17 настай хүүхдүүдийн бие бялдрын хөгжлийн үзүүлэлтийг 13 хувьсагчаар авч үзлээ.