БОЛОВСРОЛЫН БАЙГУУЛЛАГЫН МЕНЕЖМЕНТИЙГ ГЛОБАЛ ТҮВШИНД ХӨГЖҮҮЛЭХ ХЭРЭГЦЭЭ ХҮЛЭЭЛТ

Abstract

Манай улсын хөгжлийн бодлого сүүлийн 30 жилд нийгмийн өөрчлөлтөд савлаж ганхсаны хор уршгийг боловсролын салбар хатуухан хүртэж яваа. Боловсролын аль ч түвшинд хөтөлбөрийн агуулга, үйл ажиллагаа, манлайлал, хүний нөөцийн ур чадварын нэр хүндээ гээж, эргэн түүнийг сэргээхэд нийгмийн буруу ойлголттой тулгарсаар байна. Үүнээс гарах нэг чухал зам "Дэлхийн Тогтвортой хөгжлийн хөтөлбөр"-ийн Чанартай боловсрол 4-р зорилтын хүрээнд манай улс боловсролын бүх түвшинд шинэчлэлийг эхлүүлээд байна. Энэхүү зорилтын хүрээнд Олон улсын стандартыг зах зээлд нийлүүлдэг ISO (International Standard Organization) байгууллагаас Боловсролын Байгууллагын Менежментийн Тогтолцооны ISO 21001:2018 стандартыг Олон улсын салбар дундын 39 байгууллагын 86 шинжээчийн баг боловсруулсан. Дэлхийн өнцөг булан бүрт өөрийн арга туршлагын замналыг үлдээсэн манлайлагчдын Юу хийхийг заасан, Хэрхэн хийхийг байгууллагын чадамжид үлдээсэн бүтээлч үндэслэл бүхий судлагдахуун юм. Энэхүү стандарт нь төлөвлөснийг хэрэгжилтийн явцад хянан шалгаж, аудиталж чанарын баталгаажуулалтыг хийдгээрээ давуу талтай.