ЗУД ба БОЛОВСРОЛ - СУДАЛГААНЫ ЗАРИМ ҮР ДҮН
Abstract
Монгол улс бол Зүүн хойд Азид оршдог хуурай газраар хүрээлэгдсэн, газар нутгийн хувьд хойд хэсгээрээ өндөр уулс нуруудын тогтолцоотой, өмнөд хэсгээрээ уудам тал, цөл нутагтай. Монгол орны эрс тэс уур амьсгал тэр дундаа өвөл агаарын температур буурч, хүйтний эрч чангарч, их хэмжээний цас үргэлжлэн орсоноор зуд болж, зам даваа хаагдах, мал тэжээлд ордог байна. Өвөлжилт, хаваржилт хүндэрсэн, аймаг, сумдад цас их орсон зудын нөхцөлд малчин өрхийн ачаалал эрс нэмэгдсэнээр өрхийн бүх гишүүд мал аж ахуйн ажилд дайчлагдахтай холбоотойгоор малчдын хүүхдүүд хичээлээ хийх завгүй байдаг.
Энэ үед хүүхдүүд болон сургуулийн багш, ажилтан сургууль руу ирэх буцахад хүндрэлтэй болдог. Мөн хүн бүл дутсанаас дунд, ахлах ангийн хүүхдүүд сургуульдаа ирж явах гэхээсээ илүүтэйгээр гэр бүлтэйгээ хамт байх болж малчин өрхийн хүүхдүүд сургуульдаа явж чадахгүй таслах, хоцрогдох нөхцөл байдал үүсдэг.
Зудын нөхцөлд мал ихээр хорогдож өрхийн амьжиргаа буурснаас үүдэн малчдын сэтгэл зүй хүнд, энэ нөхцөлд хүүхдийнхээ хичээл сурлагад анхаарах боломж малчин эцэг, эхийн хувьд бага байдаг. Энэхүү өгүүлэлд байгалийн гамшиг зудын үед сурагчдын хичээлийн ирц эрс буурдаг шалтгаан нөхцөлийг илрүүлэхийг зорив.
References
Барилга хөгжлийн төв. (2020). “Нийгмийн дэд бүтцийн хангамж, хэрэгцээ, хэтийн төлөвийг боловсрол тодорхойлох” гэрээт ажлын тайлан. Улаанбаатар хот.
БСШУЯ, НҮБ-ын Хүүхдийн сан. (2019). Боловсролд уур амьсгалын өөрчлөлтийн үзүүлэх нөлөөлөл.
Зудын эрсдлийн тухай ойлголтыг гүнзгийрүүлэх нь: Малын хорогдлын загвар ба зудын эмзэг байдлын олон үзүүлэлтэт индекс.
Лори,Ж., Одгэрэл,Д. (2010). Монгол Улсын сургууль, цэцэрлэг, хүүхэд, багш нарт 2009-2010 оны зудын гамшиг нөлөөлсөн байдлын тайлан. Японы Хүүхдийг ивээх сан. Улаанбаатар.
НҮБХХ, Онцгой байдлын ерөнхий газар (ОБЕГ). 2010. Зудын үндэсний тайлан 2009-2010. Улаанбаатар хот.
Үндэсний статистикийн хороо. (2022). Тайлан. Улаанбаатар хот.
