ДОТУУР БАЙРНЫ БАГШ, АЖИЛТНЫ АЖЛЫН НӨХЦӨЛ, ТУЛГАМДАЖ БУЙ АСУУДАЛ
Abstract
Энэхүү өгүүллийн эхний 1 ба 2-р хэсэгт бид ЕБС-ийн дотуур байрны орчин, үйлчилгээний нөхцөл байдалд дүн шинжилгээг дотуур байрны үйлчилгээ үзүүлэх хүчин чадал, дотуур байранд амьдардаг суралцагчийн эцэг эхийн хандлага, үүрэг, хариуцлага хамтын ажиллагааны чиглэлээр, мөн суралцах болон хичээлээс гадуурх үйл ажиллагаанд оролцох оролцоог; дотуур байрны багшийн албан тушаалын тодорхойлолт зэргийг танилцуулсан бол энэ удаа дотуур байрны багш, ажилтны талаарх судалгааны үр дүнгээс танилцуулж байна.
2023-2024 оны хичээлийн жилд улсын хэмжээнд 728 дотуур байрны багш ажиллаж байна. Үүнээс 390 багш манай судалгаанд хамрагдсан. Судалгаанд хамрагдсан багш нарын 50.0 хувь нь 30-40 насны багш, 15.0 хувь нь эрэгтэй багш нар байна. Багш нарын мэргэжил дээшлүүсэн байдлыг авч үзэхэд 87.9 хувь нь хүүхэд хөгжил, хамгаалал, 4.1 хувь нь багшийн ур чадвар, 7.9 хувь нь хүүхдийн эрүүл мэнд, амьдралын зөв дадал хэвшил олгох чиглэлээр сургалтад хамрагджээ. Дотуур байрны багш, байрны ажилтнууд ажлын байрны тодорхойлтод заагдсан ажил гүйцэтгэхээс гадна хүүхдийн хөгжлийн чиглэлээр сургуулийн хичээлийн жилийн төлөвлөгөөнд туссан бусад ажилд хамтран оролцдог байна.
