Оюутны мэргэжлийн чадварыг дэмжих туршилт судалгаа, үр дүн
Abstract
Дэлхий нийтийн боловсролын чиг хандлага өөрчлөгдөж, хөдөлмөрийн зах зээл улам бүр даяарчлагдан мэдлэгээр бус чадвар хандлагаар өрсөлдөж байгаа өнөө үед инженерийн боловсролын шинэчлэлийг соргогоор мэдэрч оюутнуудын мэргэжлийн чадварыг дэмжих шаардлага тулгарч байна.
Мэргэжлийн чадвар нь тухайн мэргэжлийн үйл ажиллагааг амжилттай гүйцэтгэхэд шаардагдах ур (Батсайхан & Дэлгэржав, 2019 ) бөгөөд онолын өндөр мэдлэгтэй, түүнийг хэрэглэх чадвартай, мэргэжлийн ёс зүй, төлөвшилтэй байх зэргийг өөртөө агуулдаг ажээ. Чадвар нь тодорхой зорилтыг шийдвэрлэх явцад ямар нэгэн дүрэм, теорем, тодорхойлолтыг нарийн баримталж үйлдэл гүйцэтгэх шинэ аргыг эзэмших завсрын шат бөгөөд дадлын түвшинд бүрэн хүрээгүй байдаг. Чадвар нь мэдлэг эзэмших хэлбэрээр илэрч дадал суухын эхний шат болдог. Дараагийн шатанд хүн мэдлэгээ практикт хэрэглэх явцад чадвар нь үйлдлийн зарим шинжтэй болж түүнийг зөв гүйцэтгэх суурь болдгоороо онцлог юм. Дасгал ажлаа хэчнээн олон дахин гүйцэтгэх тутам чадвар сайжирч үйлийг гүйцэтгэх баттай арга (Санжжав & Энхболд, 2000) бөгөөд онол практик мэдлэгээ үйл ажиллагааны зорилго, явуулах нөхцөлд зохицуулан гүйцэтгэх бие хүний хувийн боломж (Ванчигсүрэн & Энхтүвшин, 1994) юм. Аливаа үйлийн тухай мэдлэг олон давтагдан практикт хэрэглэгдсэнээр чадвар болон хувирна.
Энэ өгүүлэлд “Инженерийн төсөл” хичээлээр оюутнуудад мэргэжлийн чадвар эзэмшүүлэхээр зорин ажилласан өөрсдийн туршилт, судалгааны ажлыг дурдлаа.
References
Аюурзана,П., Хашбат ,Ж., & Ганбат,Д. (2017). Төслийн хичээлийн үр дүнг тодорхойлох.
Бадарч,Д. (2021). Дээд боловсролын онол, арга зүй- Парадигмын шилжилт, багшлахуй, суралцахуй.
Батсайхан,Б., Доржжав,Д., Жамц,Л., Жамъяанжав,Д., Жаргал,Б., & Содов,Ц. (2009). Мэргэжлийн сэтгэл зүй. Улаанбаатар : МУИС-ийн хэвлэх үйлдвэр.
Болдбаатар, Л. (2009) Дээд боловсролын менежмент: онол, арга зүй, харьцуулсан судалгаа.
Бэгз,Н. (1996). Боловсролын онол арга зүйн зарим асуудал. Улаанбаатар: Үнэт цаас.
Ванчигсүрэн,Д., & Энхтүвшин,Б. (1994). Боловсрол судлалын ухагдахууны товч тайлбар толь. Улаанбаатар.
Гонгор,М., Оюун,Ц., Содов,Ц., & Хишигсүрэн,Л. (2017). Мэргэжлийн боловсрол, инженерийн сурган хүмүүжүүлэх зүй. Улаанбаатар.
Жадамба,Б., Байгалмаа,Ч., Батдэлгэр,Ж., & Намжилдагва,Р. (2022). Үйл судлал. Улаанбаатар: Өөдрөг өнгө.
Мөнхбаяр,А.,Эрдэнэхүү,Н., & Нямсүрэн,Л. (2017). Хөтөлбөрийн боловсролын зорилго, зорилтууд, суралцахуйн үр дүнгүүдийг тодорхойлох арга зүйн зөвлөмж.
Санжжав,Д., & Энхболд,С. (2000). Сэтгэл судлалын ухааны тайлбар толь.
Larmer.J. (2014). Project Based Learning vs. Problem Based Learning.
IEA/Washington accord( WA) graduate attribute
