ДУНД, АХЛАХ АНГИЙН СУРАГЧДЫН СУРАХ ХЭВ ШИНЖИЙН ОНЦЛОГООС

Abstract

Өнөө үед сургалтын үр дүнг дээшлүүлэхийн үндэс нь хүүхэд бүрийн хувийн онцлог, хэрэгцээг тооцсон “сурагч төвтэй” сургалтын арга зүй, технологийг хэрэгжүүлэх хэмээн үзэж байна. Хэдийгээр багш нар үүнийг сайтар ойлгодог ч өнөөдрийн монгол хүүхдүүдийн суралцахуйн нийтлэг онцлог юу болох, түүнийг хэрхэн харгалзан үзэх талаар онол, арга зүйн мэдлэг, ойлголт дутагдалтай байгаа нь тэдэнд бэрхшээл үүсгэх нь цөөнгүй ажиглагддаг. Багш сурагчдад сурах арга барилыг эзэмшүүлснээр “мэдлэг бүтээх” чадварыг төлөвшүүлнэ хэмээн үздэг.
Сурах арга барил нь эргээд хүүхдийн танин мэдэхүйн чадвартай холбоотой болохыг онол, арга зүйн үүднээс тайлбарлахыг зорилоо.