Биеийн тамирын багш нарын “Уур амьсгалын өөрчлөлтийг боловсрол”-ыг судалсан үр дүн (БНХАУ-ын Хөх хотын багш нарын жишээн дээр)

Abstract

 Сүүлийн жилүүдэд дэлхий нийтийн анхаарлын төвд буй тогтвортой хөгжлийн гол асуудал болох уур амьсгалын өөрчлөлт, түүнтэй холбоотой боловсролыг олгох асуудал нэн тэргүүнд тавигдсаар байна. Тэр дундаа хүний буруутай үйл ажиллагаанаас болсон уур амьсгалын өөрчлөлт (Human induced climate change) (Е.Батчулуун, 2024, ху.4) гэсэн ойлголт гарч ирж байна. Мөн UNESCO-с уур амьсгалын өөрчлөлтийн боловсролыг багшийн боловсролд нэвтрүүлэх нь ихээхэн чулал хэмээн үзэх болсон. Учир нь УАӨ-ийг ажил эрхлэлт, инфляци зэрэг нийгмийн тулгамдсан асуудалтай харьцуулахад хоёрдогч мэт боловч үр дагавар нь алсдаа эдгээрээс ч илүү хор уршигтай, сөрөг үр дагавартай (Chang C. &., 2014, p.7) тул Хүн болгон амьдралын буруу хэв маягаа өөрчилж, байгальд ээлтэй амьдрах нь УАӨ-ийн нөлөөг бууруулахад их хувь нэмэр оруулна. (Miller, 2012, p.7) хэмээн судлаачид үзэж байна. Өөрөөр хэлбэл, байгаль, нийгэм, эдийн засагт УАӨ-ийн сөрөг үр дагавар ямар нөлөө үзүүлэх талаар мэдлэг, ойлголт дутмаг байвал хүмүүс амьдралын хэв маягтаа өөрчлөлт хийх магадлал бага (Chang H. , 2014, p.7). Иймд УАӨ-тэй холбоотой мэдлэг, чадвар, хандлага, зан үйлийг иргэд, бүх нийтэд түгээх, тэдэнд зөв ойлголт өгөхийн тулд албан төдийгүй албан бус боловсролын тогтолцоонд аль алинд нь нэвтрүүлэх явдал нэн чухал болно (UNESCO, 2014, p.74). УАӨ-ийн нөлөөг бууруулахад хувь нэмэр оруулж чадахуйц, тогтвортой амьдралын хэв маягт суралцсан, байгальд ээлтэй иргэн төлөвшүүлэхийн тулд ЕБС-ийн сургалт, үйл ажиллагаанд УАӨ- ийн талаарх агуулгыг тусган хэрэгжүүлж, сургалтад нэвтрүүлэх явдал чухал байна.