ЦАХИМ ДААЛГАВРААР ӨӨРИЙН УДИРДЛАГАТАЙ СУРАЛЦАХУЙГ ДЭМЖИХ БОЛОМЖ

Abstract

Сурагчдад бие даасан, идэвхтэй хүмүүжил, төлөвшил олгох явдал сургалтын аль ч байгууллага, эцэг, эх, багшийн нэгдүгээр зэргийн зорилт байдаг бөгөөд үүний нөхцөлийг илрүүлэхийн тулд сурагчдаас өөрийн удирдлагатай суралцахуйн байдлыг илрүүлэх асуулга судалгаанд 83.9 хувьтай байгаа нь тогтоогдсон. Өөрийн удирдлагатай суралцахуйг үнэлэх 12 шалгуур үзүүлэлт тус бүрийг кронбах a найдвартай байдлыг тогтоосон бөгөөд эдгээр шалгуурын нийт найдварын зэрэг нь 0.95 буюу онц сайн найдвартай шалгуур үзүүлэлт байна. Ахлах ангийн сурагчдыг цахим даалгавраар өөрийн удирдлагатай суралцахуйг дэмжих боломжийг туршиж хэрэгжүүлэн Гаррисон боловсруулсан загвараар туршилт, судалгааны үр дүнг тооцоолсон. Үүнд: Өөрийн удирдлагатайгаар суралцах туршилт 1 нэгжээр нэмэгдэхэд сурагчийн өөрийн удирдлагатай суралцах үзүүлэлт 4.2 хувиар нэмэгддэг, туршилт 1 нэгжээр нэмэгдэхэд сурагчийн сурлагын амжилт 1.8 хувиар нэмэгддэг байна. Сурагчдын туршилт судалгааны үр дүнгийн өөрийн удирдлагатай суралцах үзүүлэлт шалгахын тулд корреляцийн шинжилгээ хийж үзэхэд 69.7 хувь шууд хүчтэй хамааралтай, ач холбогдлын утга 0 буюу ач холбогдол өндөртэй, сурагчдын сурлагын амжилт шалгахын тулд корреляцийн шинжилгээ хийж үзэхэд 65.8 хувь шууд хүчтэй хамааралтай, ач холбогдлын утга 0 буюу ач холбогдол өндөртэй илтгэж байна. Түүнчлэн туршилт судалгааны үр дүнд сурагчдад өөрийн удирдлагатай суралцахуй 8.2 хувиар ахисан байна.