“EDRAW MIND MAP” ПРОГРАМЫГ СУРГАЛТАД ХЭРЭГЛЭХ НЬ

Бага боловсролын жишээн дээр

Abstract

Боловсролын салбарт мэдээлэл харилцаа холбооны технологийг багш мэргэжилтэй хэн бүхэн чадварлаг эзэмшиж, сургалтын үйл ажиллагаагаа үр дүнтэй явуулах, сургалтын технологи, заах арга зүйгээ хөгжүүлэх, өөрчлөх, мэдлэг мэргэжил, ур чадвараа дээшлүүлэх боломжийг байнга эрэлхийлэх шаардлагатай болж байна.

Үүнтэй холбоотойгоор сүүлийн жилүүдэд нийгмийн хэрэгцээ, шаардлага, боловсролын салбар дахь шинэчлэлийн үйл ажиллагаанд нийцүүлэн боловсролын байгууллагууд боловсролын нээлттэй эхийг ихээр сонирхож сургалтад ашиглах болсон. Гэсэн хэдий ч нээлттэй эхийг сургалтад ашиглахад багш нарын МХТ-ийн мэдлэг чадвар, харилцан адилгүй байна. Ялангуяа СӨБ-н болон бага ангийн багш нарын энэ талын мэдлэг төдийлөн сайн биш байгаа тул энэ чиглэлээр суралцаж байгаа оюутнуудын МХХТ –ийн мэдлэг чадварыг дээшлүүлэх хэрэгтэй байгаа юм. Мөн суралцагчдад сонирхолтой, үр дүнтэй, чанартай боловсрол эзэмшүүлэх, сэтгэн бодох чадвар хөгжүүлэх, идэвхтэй оролцоонд хамруулдаг зэргээрээ мэдээллийн технологи ашигласан сургалт нь үр дүнтэй.

Энэхүү өгүүллээр нээлттэй эхийн Edraw Mind map програмаар бага боловсролын сургалтын хэрэглэгдэхүүн боловсруулан, оюутнуудын багшлах дадлагын үеэр туршсан үр дүнг харуулна.

Судалгаанд ярилцлага, туршилт, ажиглалтын судалгааны аргуудыг хэрэглэсэн болно. Судалгаанд МУБИС-ийн Архангайн Багшийн сургуулийн бага боловсролын багшийн 4-р курсийн оюутнууд Дархан, Орхон аймгийн 1-р ангийн сурагчдыг хамруулсан.